Daeth yr ymgynghoriad i ben 7 Ebrill 2016.
Manylion am y canlyniad
Ymateb y llywodraeth , math o ffeil: PDF, maint ffeil: 548 KB
Ymgynghoriad gwreiddiol
Rydym yn ymgynghori ar y cyd ag Adran yr Amgylchedd, Bwyd a Materion Gwledig (Defra), Asiantaeth yr Amgylchedd (EA) a Cyfoeth Naturiol Cymru (CNC) ar ein dull o gynnwys eithriadau tynnu dŵr o fewn y system drwyddedu.
Disgrifiad o'r ymgynghoriad
Bydd yr ymgynghoriad hwn o ddiddordeb i’r rhai sy’n tynnu dŵr yng Nghymru a Lloegr.
Rydym am sicrhau bod dŵr yn cael ei reoli’n gynaliadwy am yr hirdymor yng Nghymru nawr ac am genedlaethau i ddod. Fel y nodir yn ein Strategaeth Ddŵr i Gymru mae hyn yn golygu bod angen cynnwys rhai o’r eithriadau tynnu dŵr o fewn y system drwyddedu. Cafodd system drwyddedu tynnu dŵr Cymru a Lloegr ei datblygu dros ddegawdau ond mae rhai wedi’u heithrio o’r system drwyddedu.
Dyma rhai o'r gweithgareddau a fydd yn cael eu heffeithio gan y cynigion hyn:
- Trosglwyddiadau dŵr megis y rhai a gyflawnir gan Awdurdodau Mordwyo Awdurdodau Harbwr neu sefydliadau Cadwraeth
- Dad-ddyfrio fel sy’n digwydd mewn chwareli mwyngloddiau neu safleoedd adeiladu
- Dyfrhau trwy ddiferion a dyfrleidio (warping) mewn amaethyddiaeth a ffermio.
Mae’r ymgynghoriad hwn yn nodi ein nodau a’n cynigion i:
- ymateb yn effeithiol i’r galw am dŵr yn y dyfodol
- galluogi’r Rheoleiddiwr (CNC a’r EA) I reoli adnoddau dŵr yn effeithiol ar lefel y dalgylchoedd
- rheoli dŵr mewn ffordd deg a chynhwysfawr
- datblygu system integredig o reoli adnoddau dŵr sy’n gallu diwallu anghenion y presennol a chenedlaethau’r dyfodol.
Dogfennau ymgynghori
