Enwebwch wirfoddolwr, gweithiwr ieuenctid neu brosiect gwaith ieuenctid sy’n haeddu cydnabyddiaeth.
Cyhoeddwyd y cynnwys hwn dan weinyddiaeth Llywodraeth Cymru 2016 i 2021
Rydym yn gwerthfawrogi gwerth gwaith ieuenctid. Rydym yn gweithio gyda phobl i gynorthwyo eu datblygiad personol, cymdeithasol ac addysgol a’u helpu mewn nifer o ffyrdd, gan gynnwys:
- datblygu eu llais
- deall eu lle mewn cymdeithas
- gwireddu eu potensial llawn
Rydym wedi dathlu rhagoriaeth mewn gwaith ieuenctid ers 1993 ac mae’r gwobrau’n 25 oed eleni. Mae dathlu gwaith ieuenctid yn parhau i fod yn flaenoriaeth gan ein bod yn gwybod bod gwaith ieuenctid yn parhau i fod yn rhan bwysig o fywydau llawer o bobl ifanc.
Mae enwebiadau ar gyfer y gwobrau blynyddol ar agor yn awr tan 28 Chwefror 2019.
Enwebu prosiectau gwaith ieuenctid eithriadol
- Ymgysylltu ag Addysg Ffurfiol, Cyflogaeth a Hyfforddiant
- Hyrwyddo Iechyd, Lles a Ffordd o Fyw Egnïol
- Hyrwyddo Hawliau Pobl Ifanc
- Hyrwyddo Cydraddoldeb ac Amrywiaeth
- Hyrwyddo Treftadaeth a Diwylliannau yng Nghymru a Thu Hwnt
- Hyrwyddo’r Celfyddydau, Sgiliau’n Ymwneud â’r Cyfryngau a Sgiliau Digidol
Enwebu unigolion eithriadol
- Gwirfoddolwr Eithriadol mewn lleoliad Gwaith Ieuenctid
- Gweithiwr Ieuenctid Eithriadol
- Gwneud Gwahaniaeth
Cynhelir y gwobrau ddydd Gwener 28 Mehefin 2019 yng Ngwesty’r Quay, Deganwy.