Os ydych rhwng 16 ac 18 oed, ni fydd yn rhaid i chi dalu ffioedd dysgu fel arfer. Mae'n bosibl y byddwch hefyd yn gymwys i gael:
- Lwfans Cynhaliaeth Addysg
- cymorth gan eich awdurdod lleol
- y Gronfa Ariannol Wrth Gefn
Mae'r Gronfa Ariannol wrth Gefn yn rhoi cymorth i fyfyrwyr:
- sy'n wynebu trafferthion ariannol
- sy'n debygol o adael y byd addysg.
I gael rhagor o wybodaeth, cysylltwch â'r coleg lleol sy'n rhedeg y cynllun.
Os ydych dros 19 oed mae'n bosibl y bydd angen i chi dalu ffioedd dysgu. Mae’r rhan fwyaf o golegau addysg bellach yn cynnig dysgu am ddim neu ostyngiad:
- i ddysgwyr o gartrefi incwm isel
- i ddysgwyr anabl
- i ddysgwyr sy'n cael budd-daliadau
Mae'n bosibl y byddwch hefyd yn gymwys i gael Grant Dysgu Llywodraeth Cymru (cyllid myfyrwyr cymru).
Lwfans Ceisio Gwaith
Mae’n bosibl y byddwch yn gymwys i gael Lwfans Ceisio Gwaith os:
- yw eich cwrs yn llai na 16 awr yr wythnos
- ydych yn gallu dangos eich bod ar gael i weithio
Cysylltwch â'ch Canolfan Byd Gwaith lleol i gael rhagor o wybodaeth.
Costau cludo
Gwnewch gais am gymhorthdal ar gyfer trafnidiaeth neu hyd yn oed drafnidiaeth am ddim yn ystd addysg bellach.
Gofal plant
Mae'n bosibl y byddwch yn gallu cael cymorth i dalu costau gofal plant wrth i chi astudio. Cysylltwch â'ch ysgol neu goleg lleol i gael rhagor o wybodaeth.