Ardaloedd draenio mewnol a byrddau draenio mewnol sydd yn gyfan gwbl neu'n bennaf yng Nghymru

Mae Byrddau Draenio Mewnol yn gwneud gwaith pwysig ar ddraenio tir a rheolaeth lefel y dŵr. Mae eu gwybodaeth a’u swyddogaethau yn ganolog i ddarparu'r dull holistaidd hwn.  

Rydym eisiau eich barn ar dri dewis ar gyfer cyflawni swyddogaethau’r Byrddau Draenio Mewnol yn y dyfodol yng Nghymru. Y rhain yw:

• Dewis 1 – Cyflawni drwy Fyrddau Draenio Mewnol fel ar hyn o bryd;
• Dewis 2 – Cyflawni drwy Fyrddau Draenio Mewnol gyda newidiadau i drefniadau strwythurol; a
• Dewis 3 - Cyflawni drwy unrhyw gorff unigol newydd ar gyfer rheolaeth adnoddau naturiol yng Nghymru.

Fe fyddem yn croesawu eich barn ar y cynigion hyn ac unrhyw faterion eraill yr ydych chi’n credu sy’n berthnasol i’n penderfyniad ar gyflawni swyddogaethau’r Byrddau Draenio Mewnol yn y dyfodol yng Nghymru.