Cylch Gorchwyl

Bydd yr adolygiad yn:

• Diffinio’r materion allweddol sy'n wynebu iechyd a gofal cymdeithasol
• Nodi lle mae angen newid a'r achos dros newid
• Pennu gweledigaeth ar gyfer y dyfodol gan gynnwys symud iechyd a gofal cymdeithasol ymlaen gyda'i gilydd, gan ddatblygu gwasanaethau gofal sylfaenol y tu allan i'r ysbyty
• Cynghori ar sut y gellir cyflwyno newid, gan adeiladu ar agweddau cadarnhaol ar y system bresennol.

I wneud hyn, byddwn yn ystyried chwe maes ar draws iechyd a gofal cymdeithasol:

• Dadansoddiad o'r ffordd y mae pethau nawr, gan gynnwys yr hyn a ddysgwyd o astudiaethau blaenorol
• Diffiniad o sut y gallai iechyd a gofal cymdeithasol edrych yn y dyfodol, gan gynnwys meddwl am wahanol fodeli cyflawni, materion sefydliadol a safbwynt y dinesydd
• Metrigau, systemau, llywodraethiant a chyflymder y newid
• Materion y gweithlu gan gynnwys diwylliant, morâl, addysg a hyfforddiant, natur cefn gwlad a'r Gymraeg
• Ansawdd a Diogelwch, gan gynnwys Ymchwil a Datblygu, ac Arloesi
• Cynhyrchiant, gan gynnwys data a throsolwg, digidol, a cyllid